ሁሉም ዩኒቨርሲቲዎች ከጥቅምት 23-30/2013ዓ.ም የመጀመሪያ ዙር የተማሪዎች ቅበላ እንደሚያደርጉ የሳይንስና ከፍተኛ ትምህርት ሚኒስቴር አስታወቀ። አማራ ሚዲያ ማዕከል/አሚማ ጥቅምት 7 ቀ…

ሁሉም ዩኒቨርሲቲዎች ከጥቅምት 23-30/2013ዓ.ም የመጀመሪያ ዙር የተማሪዎች ቅበላ እንደሚያደርጉ የሳይንስና ከፍተኛ ትምህርት ሚኒስቴር አስታወቀ። አማራ ሚዲያ ማዕከል/አሚማ ጥቅምት 7 ቀን 2013 ዓ.ም አዲስ አበባ ሸዋ ክቡር ዶ/ር ሳሙኤል ኡርቃቶ የሳይንስና ከፍተኛ ትምህርት ሚኒስቴር ሚኒስትር ኮቪድ-19ን እየተከላከሉ ትምህርትና ስልጠናን ለማስቀጠል ሁሉም ዩኒቨርሲቲዎች ከጥቅምት 23-30/2013ዓ.ም አስፈላጊውን ዝግጅት በማጠናቀቅ የመጀመሪያ ዙር የተማሪዎች ቅበላ እንዲያደርጉ አሳሰቡ፡፡ ክቡር ሚኒስትሩ በቅርቡ በኮቪድ-19 ፕሮቶኮል መሠረት በተካሔደው የተቋማት ድጋፍና ምልከታ ውጤት በአንድ አንድ ተቋማት የታዩት ክፍተቶች በፍጥነት ተሟልተው በግልጽ መርሃ-ግብር ለተማሪዎች ቅበላ እንዲያደረግ አሳስበዋል፡፡ ክቡር ሚኒስትር ዴኤታ ዶ/ር ሙሉ ነጋ የተቋማቱን የቅድመ ቅበላ ዝግጅት ዳሰሳ ውጤት ባቀረቡት ገለጻ ኮቪድ-19ን እየተከላከሉ የመማር ማስተማር ስራን ማስቀጠል ጥንቃቄ የሚሻ ጉዳይ መሆኑን ተናግረዋል፡፡ በሀዋሳ እየተካሔደ ባለው የተማሪዎች ቅበላ ቅድመ ዝግጅት የማጠቃለያ ምእራፍ የግምገማ መድረኩ ላይ ኮቪድ-19 እና የሠላም ጉዳይ አስመልክቶ በተነሱት ስጋቶች ዙሪያ ሰፊ ውይይት ተደርጓል፡፡ ተሳታፊዎቹ ከፍተኛ የመንግስት አመራሮች እና በየደረጃው ያሉት ባለድርሻ አካላት ከሚኒስቴሩ እና ከተቋማቱ ጋር እንደሚሰሩ አስተያየት ሰንዝረዋል፡፡ በየደረጃው ያሉት ባለድርሻ አካላት፣ የተቋማቱ አመራሮች የበለጠ ተቀራርበው በቅንጅት በመስራት ተቋማቱ ሠላማዊ፣ ሳቢ እና የከፍተኛ ትምህርት የዓለም አቀፋዊነት(Universal) ባህሪ እንዲኖራቸዉ እና ከማንኛዉም ከተቋቋሙለት ዓላማ ጋር ካልተጣጣሙ ጉዳዮችም እንዲላቀቁ ማድረግ ወቅቱ የሚጠይቀው ጉዳይ መሆኑን ዶ/ር ሳሙኤል ጥሪ አቅርበዋል፡፡ ክቡራን ሚኒስትሮች እና የዩኒቨርሲቲ ፕሬዚዳንቶች በቅድመ ዝግጅት ሁኔታ ዙሪያ በጋራ በሰጡት ጋዜጣዊ መግለጫ ለተማሪዎቹ እና ለማህበረሰቡ ተገቢው ግንዛቤ መሰጠት እንዳለበት የሚዲያ ተቋማቱም ሚናቸዉን እንዲወጡ ጠይቀዋል ሲል የትምህርት ሚኒስቴር በማህበራዊ ትስስር ገጹ አስፍሯል፡፡

Source: Link to the Post

Leave a Reply