ላለፉት 8 ዓመታት በኳታር በህክምና ላይ የቆየችው ወ/ሮ ሜሮን ዛሬ ሌሊት አዲስ አበባ ትገባለች

Source: https://fanabc.com/2019/04/%E1%88%8B%E1%88%88%E1%8D%89%E1%89%B5-8-%E1%8B%93%E1%88%98%E1%89%B3%E1%89%B5-%E1%89%A0%E1%8A%B3%E1%89%B3%E1%88%AD-%E1%89%A0%E1%88%85%E1%8A%AD%E1%88%9D%E1%8A%93-%E1%88%8B%E1%8B%AD-%E1%8B%A8%E1%89%86/

አዲስ አበባ፣ ሚያዚያ 9፣ 2011 (ኤፍ.ቢ.ሲ) ላለፉት 8 ዓመታት በኳታር በህክምና ላይ የቆየችው ወይዘሮ ሜሮን መኮንን ዛሬ ሌሊት አዲስ አበባ እንደምትገባ የውጭ ጉዳይ ሚኒስቴር አስታወቀ።

ወይዘሮ ሜሮን በኳታር በአሰሪዎቿ በደረሰባት የጪስ መታፈን ጉዳት ላለፉት ስምንት ዓመታት በሀማድ ሆስፒታል በህክምና ላይ የቆየች ሲሆን፥ ዛሬ እኩለ ሌሊት ላይ ወደ ሀገሯ ትመለሳለች ተብሏል።

ይህ የተቻለውም ጠቅላይ ሚኒስትር ዶክተር አብይ አህመድ በኳታር ባደረጉት ጉብኝት ለሀገሪቱ መንግስት ባቀረቡ ጥያቄ መሰረት ግለሰቧ በአስቸኳይ ወደ ሀገሯ እንድትመለስ ስምምነት ላይ በመደረሱ ነው ተብሏል።

የኳታር መንግስትም በሀገር ቤት ለአንድ ዓመት መታከሚያ የሚሆናትን ወጪ እና ሙሉ የትራንስፖርት ወጪዋን ይሸፍናል።

የውጭ ጉዳይ ሚኒስቴር ከጤና ሚኒስቴር ጋር በመተባበር አስፈላጊውን አቀባበልና ክትትል እንደሚያደርግ ማስታወቁም ተገልጿል።

Share this post

Post Comment

This site uses Akismet to reduce spam. Learn how your comment data is processed.