ምርት ገበያው በወሩ 44 ሺህ 394 ቶን ምርት በ2 ነጥብ 16 ቢሊየን ብር አገበያየ

Source: https://fanabc.com/2019/11/%E1%88%9D%E1%88%AD%E1%89%B5-%E1%8C%88%E1%89%A0%E1%8B%AB%E1%8B%8D-%E1%89%A0%E1%8B%88%E1%88%A9-44-%E1%88%BA%E1%88%85-394-%E1%89%B6%E1%8A%95-%E1%88%9D%E1%88%AD%E1%89%B5-%E1%89%A02-%E1%8A%90%E1%8C%A5/

አዲስ አበባ ፣ ጥቅምት 28 ፣ 2012 (ኤፍ ቢ ሲ) የኢትዮጵያ ምርት ገበያ በጥቅምት ወር 44 ሺህ 394 ቶን ምርት በ2 ነጥብ 16 ቢሊየን ብር ማገበያየቱን አስታወቀ።

በወሩ ቡና የግብይት መጠኑን 47 በመቶ፣ የግብይት ዋጋውን ደግሞ 67 በመቶ በመያዝ ቀዳሚ ሲሆን፥ ለውጭ ገበያ የቀረበ 13 ሺህ 947 ቶን ያልታጠበ ቡና በ938 ሚሊየን 200 ሺህ ብር መገበያየቱን ምርት ገበያው ለጣቢያችን የካለው መግለጫ ያመላክታል።

10 ቶን የታጠበ ቡና ለውጭ ገበያ ቀርቦ በ588 ሺህ ብር መገበያየቱንም ምርት ገበያው ገልጿል።

ለሀገር ውስጥ የቀረበ 6 ሺህ 309 ቶን ቡና ደግሞ በ432 ሚሊየን ነጥብ 780 ሺህ ብር፥ እንዲሁም 767 ቶን ባለ ልዩ ጣዕም ቡና በ71 ሚሊየን 140 ሺህ ብር ግብይታቸው ተከናውኗልም ነው ያለው።

በተጨማሪም በወሩ 9 ሺህ 434 ቶን ሰሊጥ በ419 ሚሊየን 750 ሺህ ብር ሲሸጥ ካለፈው አመት ተመሳሳይ ወቅት ጋር ሲነፃፀር በመጠንም ሆነ በዋጋ ጭማሪ አሳይቷል።

አረንጓዴ ማሾ ደግሞ በጥቅምት ወር ብቻ 6 ሺህ 46 ቶን ለገበያ ቀርቦ በ168 ሚሊየን ብር ሲገበያይ ካለፈው ወር አንጻር በመጠንና በዋጋ ጭማሪ ማሳየቱን አስታውቋል።

ቀይ ቦሎቄም በጥቅምት ወር 190 ኩንታል ለገበያ ቀርቦ በ184 ሺህ ብር ሲገበያይ፥ 6 ሺህ 534 ቶን አኩሪ አተር በ105 ነጥብ 8 ሚሊየን ብር ተገበያይቷል፡፡

እንዲሁም ምርት ገበያው 1 ሺህ 327 ቶን ነጭ ድቡልቡል ቦሎቄም በወሩ አገበያይቷል።

 

Share this post

Post Comment

This site uses Akismet to reduce spam. Learn how your comment data is processed.