ሸዋን ያላሳተፈ ፖለቲካ – መሐመድ አሊ

Source: https://mereja.com/amharic/v2/62872


(አቶ መሐመድ አሊ የቀድሞ ቅንጅት ከፍተኛ አመራር የነብሩ ሲሆን፣ ቅንጅት ተክቶ በወ/ት ብርቷን ሚድቀሳ የሚመራው የአንድነት ፓርቲ የብሄራዊ ምክር ቤት ሰብሳቢ ሆነው የሰሩ ናቸው። አቶ መሐመድ የሕግ ባለሞያና በኢትዮጵያ ጉዳይ ላይ የሚጦምሩ ጦማሪ ናቸው)
ሸዋን ያላሳተፈ ፖለቲካ sense አይሰጥም። “የኢትዮጵያን ፖለቲካ እንዳሻው ሲዘውር ነበር” ተብሎ የሚታማውና በአደባባይም የሚከሰሰው ሸዋ ያጠፋቸውና የሚወቀስባቸው ነገሮች መኖራቸው እሙን ነው። በሌላ በኩል ግን ያገጠጠውን ሐቅ መሸፈን አይቻልም። ወደድንም ጠላንም ሸዋ አገር “ሠርቶ” ሰጥቶናል። በሌላ አነጋገር ሸዋ በዘመናዊ ሀገረ- መንግሥት ምሥረታ (nation state building) ሂደት ውስጥ የማይተካ ሚና (indispensable role) እንደነበረው መካድ አይቻልም። ከዚህ አንፃር የሸዋን ታሪካዊ ውለታ መርሳትና ለዚህም የሚገባውን ዋጋ (due credit) አለመስጠት ንፉግነት ነው። በግሌ በፖለቲካው ውስጥ ሸዋን ጎላ ብሎ ካላየሁት የሆነ ነገር እንደጎደለ ይሰማኛል።
ከዚሁ ጋር በተያያዘ በቅርቡ ለጥፌው የነበረውን ጽሁፍ እንደገና ማጋራት ወደድኩ።

* * *
የሸዋ ፖለቲካ፣
ሸዋ በተለይ ከ19ኛው ክ/ዘመን መጨረሻ አካባቢ ጀምሮ የኢትዮጵያን ፖለቲካ በተጨባጭ ሲዘውር እንደነበር አይካድም፡፡ ሸዋ “የሀገር እምብርት” ነው ማለትም ይቻላል፡፡ የሀገር እምብርት ነው ሲባል በመልከዓ-ምድራዊ አቀማመጡ ለሁሉም አማካይ ርቀት ላይ በመገኘቱ ብቻ አይደለም፡፡ ይልቁንም ሸዋ የአንድነት ማዕከል ሆኖ ሌሎችን ማሰባሰብ የቻለበት አንዳች መግነጢሳዊ ኃይል አለው፡፡ ሸዋ ዛሬም/ወደፊትም ቢሆን የስበት ማዕከል ነው።
ሸዋን ጉንፋን ሲይዘው ሁሉም በያለበት ያነጥሳል። ሸዋ በጠና ከታመመ ሁሉም ሊንገዳገድ ይችላል። ሸዋ የሀገር ራስ ነዋ! ያለሸዋ ሀገር ሊቆም አይችልም። ምስጢሩ ያለው እዚህ

Share this post

Post Comment

This site uses Akismet to reduce spam. Learn how your comment data is processed.