በሀገረ ኢትዮጵያ በኦርቶዶክሳውያን ላይ እየተፈፀመ ያለውን የዘር ማጥፋት ወንጀል በተመለከተ የሩሲያ ኦርቶዶክስ ቴሌቪዥን ሰፊ ሽፋን በመስጠት ውይይት አደረገ። አማራ ሚዲያ ማዕከል/አሚማ ጥቅ…

በሀገረ ኢትዮጵያ በኦርቶዶክሳውያን ላይ እየተፈፀመ ያለውን የዘር ማጥፋት ወንጀል በተመለከተ የሩሲያ ኦርቶዶክስ ቴሌቪዥን ሰፊ ሽፋን በመስጠት ውይይት አደረገ። አማራ ሚዲያ ማዕከል/አሚማ ጥቅምት 6 ቀን 2013 ዓ.ም አዲስ አበባ ሸዋ በሀገረ ኢትዮጵያ በኦርቶዶክሳውያን ላይ እየተፈፀመ ያለውን የዘር ማጥፋት ወንጀል በተመለከተ የሩሲያ ኦርቶዶክስ ቴሌቪዥን ሰፊ ሽፋን በመስጠት ውይይት አካሄደ። ኤስኤኤቲ በተሰኘው የሩሲያ ኦርቶዶክስ ቤተ ክርስቲያን ቴሌቪዥን ጣቢያ ላይ በኢትዮጵያ ኦርቶዶክስ ክርስቲያኖች ላይ የተፈጸመውን የዘር ማጥፋት ወንጀል የተመለከተ ውይይት መካሔዱን ኦርቶዶክስ ኮግኔት ፔጅ ዘግቧል፡፡ የፓን ኦርቶዶክስ ክርስቲያን ሶሳይቲ ድርጅት ዋና ጸሐፊ ሚስተር ጆርጅ አሌክሳንደር በኦሮምያ ብሔራዊ ክልላዊ መንግሥትና በአንዳንድ የአገሪቱ ክፍሎች በንጹሓን ኦርቶዶክሳውያን ክርስቲያኖች ላይ እየተፈጸመ ያለውን የዘር ማጥፋት ወንጀል በሚያሳይ ዘጋቢ ፊልም አማካይነት ለሩሲያ ኦርቶዶክስ ቤተ ክርስቲያን ፓትርያርክ ብፁፅ ወቅዱስ አቡነ ኪሪል፣ ለሩሲያ ሕዝብና ለዓለም አቀፍ ማኅበረሰብ ያደረጉትን ጥሪ ተከትሎ የተካሔደ ውይይት መሆኑን ከዘገባው ለመረዳት ተችሏል፡፡ ከዘህ ቀደም በዋና ጸሐፊው በኩል የቀረበላትን ጥሪ በአዎንታ የተመለከተችው የሩሲያ ኦርቶዶክስ ቤተ ክርስቲያን ‹‹በኢትዮጵያ ኦርቶዶክስ ክርስቲያኖች ላይ እተፈጸመ ያለ የታቀደ ጥቃት›› በሚል ርእስ ተጋባዥ ኢትዮጵያውያን እንግዶች፣ ጉዳዩን በቅርበት የሚከታተሉ የሩሲያ ቤተክርስቲያን ጋዜጠኞችና የሩሲያ ቤተ ክርስቲያን ተጠሪ በተገኙበት ኤስኤኤቲ በተባለው የቴሌቭዥን ጣቢያዋ ላይ ውይይት እንዲካሔድ ማድረጓን ዘገባው አስታውሷል፡፡ በኢትዮጵያ ኦርቶዶክስ ክርስቲያኖች ላይ እየተፈጸመ ያለውን የዘር ማጥፋት ወንጀል ጨምሮ የኢትዮጵያ ኦርቶዶክስ ክርስቲያኖችን ጉዳይ እየተከታተሉ ለፓን ኦርቶዶክስ ክርስቲያን ሶሳይቲ ድርጅት ሪፖርት ለሚያደርጉት ዲያቆን ሰሎሞን ክብርያና አቶ ምንተስኖት ደስታ በውይይቱ ምስጋና እንደቀረበላቸው ዘገባው አስረድቷል፡፡ ፓን ኦርቶዶክስ ክርስቲያን ሶሳይቲ የተባለው ድርጅት የኢትዮጵያ ኦርቶዶክስክ ተዋሕዶ ቤተክርስቲያን ምእመናንን ሰቆቃ ለሩሲያ ቤተ ክርስቲያንና ለሩሲያ መንግሥት እንዲሁም ለዓለም አቀፍ የሰብአዊ መብት ድርጅቶች ያቀረበ ብቸኛው ድርጅት እንዳደረገው ዘገባው አስታውቆ “ባለፉት ዓመታት በኢትዮጵያ ኦርቶዶክሳውያን ላይ የተፈጸሙ አሰቃቂ የዘር ማጥፋት ወንጀሎችን እየተከታተለ ለዓለም አቀፉ ማኅበረሰብ አሳውቋል” ብሏል፡፡ የፓን ኦርቶዶክስ ክርስቲያን ሶሳይቲ ዋና ጸሐፊ ሚስተር ጆርጅ አሌክሳንደር በኢትዮጵያ ኦርቶዶክሳውያን ላይ እየተፈጸመ ያለውን የዘር ማጥፋት ወንጀል የተመለከቱ ሪፖርቶችን ለተባበሩት መንግሥታት፣ ለተለያዩ ዓለም አቀፍ ድርጅቶችና ለዓለም አቀፍ የሰብአዊ መብት ድርጅቶች እንዳስታወቁ ከዘገባው ለመዳት ተችሏል ሲል የምዕራብ አርሲ ሀገረ ስብከት በማህበራዊ ትስስር ገጹ ዘግቧል።

Source: Link to the Post

Leave a Reply