በሆቴል ሩዋንዳ ፊልም በጀግንነት የተገለጹት ግለሰብ የተመሰረተባቸውን ክስ አጣጣሉ

https://gdb.voanews.com/8703a131-a3c8-444b-a36f-22ba86c4cdc9_cx23_cy6_cw69_w800_h450.jpg

ሆቴል ሩዋንዳ በተባለው ፊልም ታሪካቸው የተወሳላቸው ሰው በሃገሪቱ ፍርድ ቤት በአሸባሪነት፣ በግድያ በመመሳጠርና የታጠቀ አማፂ ቡድን በማቋቋም ወንጀል ተከሰሱ።

 ፖል ሩሴሴባጊና ከሁለት ዓመታት በፊት ያልታጠቁ ሰላማዊ የሩዋንዳ ዜጎች ላይ ጥቃት እንዲፈፀም አሲረዋል ሲል አቃቤ ህግ ከሷቸዋል።

 እርሳቸው አሥራ ሦስቱንም የተመሰረቱባቸውን ክሶች አስተባብለው ቃላቸውን ሲሰጡ የተመሰረተባቸውን ክስ መሰረተ ቢስ ነው ብለዋል።

በእሥር ላይ ያሉት ፖል ሩሴሳቤጊና በህመም ምክንያት እንዲለቀቁ የጠየቁ ሲሆን ፍርድ ቤቱ የፊታችን ሃሙስ አቤቱታቸውን ሊያደምጥ ቀጠሮ ሰጥቷል።

በሩዋንዳ የዘር ፍጅት ወቅት የአንድ ሆቴል ሥራ አስኪያጅ የነበሩት ፖል ሩሴሳቤጊና አያሌ ቱትሲዎችን ደብቀው ከገዳዮች ጥቃት ያስመለጡ ጀግናነት ታሪካቸው በሆቴል ሩዋንዳ ፊልም ተወስቶላቸዋል። አንድ ሺህ የሚሆኑ ሰዎችን ህይወት እንዳተረፉ ነው የሚነገርላቸው።

Source: Link to the Post

Leave a Reply