በመዲናዋ በ2011 ዓ.ም የጋራ መኖሪያ ቤት  ዕጣ ወጥቶላቸው ውል ላልገቡ እና ቁልፍ ላልተረከቡ እድለኞች ውል ማስገባትና ቁልፍ ማስረከቡ በአፋጣኝ እንዲፈፀም ማሳሰቢያ ተሰጠ

በመዲናዋ በ2011 ዓ.ም የጋራ መኖሪያ ቤት  ዕጣ ወጥቶላቸው ውል ላልገቡ እና ቁልፍ ላልተረከቡ እድለኞች ውል ማስገባትና ቁልፍ ማስረከቡ በአፋጣኝ እንዲፈፀም ማሳሰቢያ ተሰጠ

አዲስ አበባ፣ መስከረም 11፣ 2013 (ኤፍ.ቢ.ሲ) በአዲስ አበባ በየካቲት 27-2011 ዓ.ም በተደረገው ዕጣ ማውጣት ስነ-ስርአት ዕጣ ወጥቶላቸው ውል ላልገቡ እና ቁልፍ ላልተረከቡ ባለ ዕጣዎች ውል ማስገባትና ቁልፍ ማስረከቡ በአፋጣኝ እንዲፈፀም  የአዲስ አበባ ከተማ አስተዳደር አሳሰበ።

የከተማ አስተዳደሩ በየወቅቱ የሚነሱ የነዋሪዎቹን ጥያቄዎች ደረጃ በደረጃ ለመመለስ ዘርፈ ብዙ ስራዎችን በማከናወን ላይ ይገኛል፡፡

ከእነዚህም ውስጥ የጋራ መኖርያ ቤቶች ጉዳይ አንዱና የህዝብ ቅሬታና አቤቱታ የበዛበት ሆኖ ቆይቷል፡፡

በተደረገው ማጣራት እና የስራ  ሪፖርት መሰረት ዕጣ ወጥቶላቸው ለባለ  ዕጣዎች እጅ ያልደረሱ ቤቶች መኖራቸውን ማወቅ ተችሎአል፡፡

የአዲስ አበባ ከተማ አስተዳደር በ40/60 እና 20/80 ፕሮግራሞች የተገነቡ ቤቶችን የካቲት 27 ቀን 2011 ዓ.ም ዕጣ ማውጣቱ  የተገለፀ ሲሆን ሆኖም ቤቶቹ በቂ የመሠረተ ልማት በሌለባቸው የማስፋፊያ አካባቢዎች በመገንባታቸው እና በሚፈለገው ልክ አጠቃላይ የሳይት ስራው በወቅቱ ባለመጠናቀቁ ለባለ እድለኞች ሳይተላለፉ መቆየታቸውን የከተማው አስተዳደር በመረዳቱ እጣ ወቶላቸው ውል ላልገቡ እና ቁልፍ ላልተረከቡ ባለ ዕጣዎች ውል ማስገባትና ቁልፍ ማስረከቡ በአፋጣኝ እንዲፈፀም አሣስበዋል።

በመሆኑም በ20/80 ፕሮግራም የዕጣው አሸናፊ ሆነው ውል ላልፈጸሙ 32 ሺህ 653 ባለ እድለኞች ውል ማዋዋሉ የተጀመረ ሲሆን በቅርቡ ቁልፍ የሚረከቡ መሆኑን ከአዲስ አበባ ፕሬስ ሴክሬታሪያት ያገኘነው መረጃ  ያመለክታል፡፡

በ40/60 ፕሮግራም ከዚህ ቀደም ውል ለፈጸሙ 18 ሺህ 576 እድለኞች ቁልፍ የማስረከብ ስራ መጀመሩንም የከተማ አስተዳደሩ ለመግለጽ ይወዳል፡፡

The post በመዲናዋ በ2011 ዓ.ም የጋራ መኖሪያ ቤት  ዕጣ ወጥቶላቸው ውል ላልገቡ እና ቁልፍ ላልተረከቡ እድለኞች ውል ማስገባትና ቁልፍ ማስረከቡ በአፋጣኝ እንዲፈፀም ማሳሰቢያ ተሰጠ appeared first on Welcome to Fana Broadcasting Corporate S.C.

Source: Link to the Post

This Post Has One Comment

  1. Tefera ተፈራ
    Tefera ተፈራ

    ከአዲስ አበባ ዙሪያ ለተፈናቀሉ ገበሬዎች መፍትሔ የሚሆነው የሚሸጡት ኮንደሚኒየም ወይንም ትንሽ ገንዘብ ሰጥቶ ማባረር ሳይሆን በዘላቂነት ወደ ስራቸው እንዲመለ… https://t.co/KECOvQjPmM

Leave a Reply