በመፈንቅለ መንግስት ሙከራ ተጠርጣሪዎች ላይ ውሳኔ ለማሳለፍ ፍርድ ቤቱ ቀጠሮ ሰጠ

Source: https://mereja.com/amharic/v2/139416

ፍርድ ቤቱ በመፈንቅለ መንግስት ሙከራ ተጠርጣሪዎች ላይ ውሳኔ ለማሳለፍ ቀጠሮ ሰጠ
ነሀሴ 13/2011 ፍርድ ቤቱ በነ ብርጋዲየር ጀነራል ተፈራ ማሞ፣በእነ ኮማንደር ጌትነት ሽፈራውና በእነ አበበ መልኬ በቀረቡ ሶስት መዝገቦች በአቃቢ ህግና በጠበቆች የቀረበውን የይግባኝ ክርክር አጠናቆ ለነሐሴ 16/2011 ዓ.ም ውሳኔ ለመስጠት ተለዋጭ ቀጠሮ ሰጠ።
በሰኔ 15/2011 ዓ.ም.በተፈፀመ የመፈንቅለ መንግስት ሙከራ ተጠርጥረው በሶስት መዝገቦች ስር በሚገኙ 62 ተጠርጣሪዎች ላይ የተጀመረው ምርመራ ሳይጠናቅቅ ፍርድ ቤቱ ክስ እንድንመሰረት መወሰኑ ተገቢ አይደለም ሲልም አቃቤ ህግ ለፍርድ ቤቱ ክርክሩን አቅርቧል።

የጊዜ ቀጠሮ በወንጀለኛ መቅጫ ህጉ አለመገደቡን ጠቅሶ የምርመራ ቡድኑም እስካሁን ከ110 በላይ የምስክሮችና ከ210 በላይ የተከሳሾችን ቃል መቀበሉን ለፍርድ ቤቱ ገልጿል።
አሁንም ከጉዳዩ ጋር ቀጥተኛ ተሳታፊ የሆኑ አዳዲስ ተጠርጣሪዎች እየተያዙና በቁጥጥር ስር እየዋሉ በመሆኑ ለፍርድ ቤት በቀረበ ጉዳይ ላይ ህጉ ይግባኝ መጠየቅን አይከለግልም ሲልም አስረድቷል።
ምርመራችንን አጣርተን ሳንጨርስ ክስ መመስረት ስለማንችል በቂ የምርመራ ጊዜ ሊሰጠን ይገባል ሲልም አቃቢ ህግ ጥያቄውን ለፍርድ ቤቱ አቅርቧል።

ፍርድ ቤቱ በመፈንቅለ መንግስት ሙከራ ተጠርጣሪዎች ላይ ውሳኔ ለማሳለፍ ቀጠሮ ሰጠ

Share this post

Post Comment

This site uses Akismet to reduce spam. Learn how your comment data is processed.