“በእስር እንድቆይ የተፈለገው ወንጀል ስለሰራው ሳይሆን በፖለቲካ አስተሳሰቤ ነው።” ሲሉ ዛሬ ፍ/ቤት የቀረቡት አቶ ልደቱ አያሌው የፍትህ ሂደቱን ወቀሱ። አማራ ሚዲያ ማዕከል/አሚማ መስከረም…

“በእስር እንድቆይ የተፈለገው ወንጀል ስለሰራው ሳይሆን በፖለቲካ አስተሳሰቤ ነው።” ሲሉ ዛሬ ፍ/ቤት የቀረቡት አቶ ልደቱ አያሌው የፍትህ ሂደቱን ወቀሱ። አማራ ሚዲያ ማዕከል/አሚማ መስከረም…

“በእስር እንድቆይ የተፈለገው ወንጀል ስለሰራው ሳይሆን በፖለቲካ አስተሳሰቤ ነው።” ሲሉ ዛሬ ፍ/ቤት የቀረቡት አቶ ልደቱ አያሌው የፍትህ ሂደቱን ወቀሱ። አማራ ሚዲያ ማዕከል/አሚማ መስከረም 19 ቀን 2013 ዓ.ም አዲስ አበባ ሸዋ አቶ ልደቱ አያሌው ዛሬ መስከረም 19 ቀን 2013 ዓ.ም አዳማ በሚገኘው የኦሮሚያ ጠቅላይ ፍርድ ቤት ምስራቅ ችሎት የተጠየቀባቸውን ይግባኝ ለመስማትና ለመከራከር ቀርበዋል። በእለቱም የአቶ ልደቱን ዋስትና ለማስከልከል በሚል አቃቢ ህግ ያቀረበውን ምክንያት ፍርድ ቤቱ በቅድሚያ መስማቱ ተገልጧል። ይኸውም አቃቢ ህግ አቶ ልደቱ አያሌው ዋስትናው ቢፈቀድላቸውና ቢወጡ ምስክሮቼን ያስፈራሩብኛል፣ውጭ ህክምና ቀጠሮ ስላላቸው ሄደው ይቀሩብኛል፣የተያዘባቸው ህገ ወጥ ሽጉጥ ስለሆነ ዋስትና ያስከለክላል እንዲሁም አቶ ልደቱ ቢወጡ በደጋፊዎቻቸው ምስክሮቼ ላይ ተፅዕኖ እንዲፈጠር ያደርጋሉ ሲል ዋስትናቸው ውድቅ እንዲደረግ ጠይቋል። በአቶ ልደቱ በኩል ጠበቆች አቃቢ ህግ ያቀረበውን ጭብጥ በመቃወም ሰፊ መቃወሚያ አቅርበዋል ነው የተባለው። በመጨረሻ አቶ ልደቱ በአስተርጓሚ የአቃቢ ህግ ሃሳብ ተገልጦላቸው የሚናገሩት ነገር እንዳለ በሚል ፍርድ ቤቱ የሰጣቸውን እድል ተጠቅመው ማብራሪያ ሰጥተዋል። አቶ ልደቱም እስካሁን ከ10 ግዜ በላይ ፍርድ ቤት መቅረባቸውን፣ በእስር ላይ ከ70 ቀን በላይ እንደሆናቸው ጠቅሰው አቃቢ ህግ ዋና አላማው እኔን በእስር ላይ በማቆየት ህይወቴ እንዲያልፍ ማድረግ ነው ብለዋል። ምስክሮቹ ቤቴ ላይ ፍተሻ ሲደረግ ታዛቢ የነበሩ ናቸው፤ መሳሪያው በእጄ መገኘቱን ባልካድኩበት ሁኔታ እንዴት ምስክር የተባሉትን ላስፈራራ እችላለሁ ሲሉ የጠየቁት አቶ ልደቱ እንዲሁም ውጭ ህክምና ቀጠሮ እንዳለኝ የተናገርኩት እኔ ነኝ። ከፍርድ ቤት ለመሸሽ ብፈልግ ይሄን ለምን እናገራለሁ? ሲሉም ጠይቀዋል። “የተያዘባቸው ሽጉጥ ህገ ወጥ ነው ለተባለው አቃቢ ህግም መንግስትም እውነቱን ያውቁታለል። መንግስት ራሱ ሰጥቶ ነው ራሱ እየከሰሰኝ ነው” ያሉት አቶ ልደቱ ደጋፊዎቹ ምስክሮች ላይ ተፅዕኖ ይፈጥራሉ ብሎ ማለት ህገ ወጥነት ነው ብለዋል። ፓርቲቸውም ሆነ እሳቸው ከ27 አመት በላይ ትግሉ ውስጥ የቆዩት በሰላማዊ ትግል በመሆኑ አንድም ህገወጥ ድርጊት ፈፅመው እንደማያውቁ በመግለፅ ተከራክረዋል፤ ወቀሳውንም አልተቀበሉትም። በባለፈው ስርአትም ውጭ ወጥቼ እንድቀር በተደጋጋሚ የተሞከረውን ሙከራ ያከሸፍኩት ለሰላማዊ ትግል እና ለህግ ተገዥ ስለሆንኩ ነው ያሉት አቶ ልደቱ በመሆኑም በእስር እንድቆይ የተፈለገው ወንጀል ስለሰራው ሳይሆን በፖለቲካ አስተሳሰቤ ነው ብለዋል። የሚፈለገው እኔን በወንጀል ከሶ ማስቀጣት ሳይሆን የፍርድ ቤት ሂደቱን እያራዘሙ፣ ይግባኝ እየጠየቁ እስር ቤት በማቆየት ህይወቴ እንዲያልፍ ማድረግ ነው ሲሉም አክለዋል። ፍርድ ቤቱም የቀረበውን መከራከሪያ መርምሮ ውሳኔ ለመስጠት በሚል ለመስከረም 26 ከጠዋቱ 3 ሰዓት እንዲቀርቡ ሲል ተለዋጭ ቀጠሮ ሰጥቷል። ዜናውን ለማጠናቀር ፓርቲው በይፋዊ የትስስር ገጹ ያጋራውን መረጃ በምንጭነት ተጠቅመናል።

Source: Link to the Post

Leave a Reply