በኬኒያ የምርጫ ውጤት እወጃ በተነሳ አመጽ የማቾች ቁጥር 24 ደረሰ

Source: http://amharic.abbaymedia.com/archives/34107

አባይ ሚዲያ
በወንድወሰን ተክሉ

ዓርብ ወደ እኩለ ለሊት አቅራቢያ የኬኒያ ብሔራዊ የምርጫ ቦርድ ፕሬዚዳንት ሁሩ ኬኒያታ የ2017 ፕሬዚዳንታዊ ምርጫ አሸናፊ ናቸው ተብሎ ከታወጀ በሃላ በተነሳ አመጽ የሞቱ ሰዎች ቁጥር 24 መድረሱን ማምሻውን የኬኒያ ሰብዓዊ መብት ኮሚሽን አሳወቀ።
ዓርብ እኩለ ለሊት ጀምሮ በናይሮቢ፣በኪሱሙ፣ሚጎሪ፣ሲያያ እና ሆማ ቤይ በተባሉ ካውንቲዎች በተነሳ ዓመጽ 24 ሰዎች በፖሊስ እንደተገደሉ የተነገረ ሲሆን አድማ በታኝ ፖሊስም ከፍተኛ ግብግብ እያደረገ መሆኑን ተገልጻል።

image

በናይሮቢ የ17ሰው አስከሬን ሆስፒታል የተወሰደ ሲሆን በኪሱሞ 2ሰው፣በሆማ ቤይ 2፣ሚጎሪ2 ሰዎች መገደላቸው ለማወቅ ተችላል።

በናይሮቢ ኪቢራ፣መዳሬ ከፍተኛ ዓመጽ መነሳቱ የታወቀ ሲሆን አመጸኞቹ የተሸናፊው የናሳ ድርጅት መሪ የራይላ ኦዲንጋ ደጋፊዎች የሆኑ ሲሆን ምክንያቱንም የምርጫ ቦርዱ ውሳኔ ፍትሃዊ አይደለም በሚል ነው።

አርብ እለት ፕሬዚዳንት ሁሩ ኬንያታ የ2017 ፕሬዚዳንታዊ ምርጫ አሸናፊ ናቸው ተብሎ ሲገለጽ ዋናው ተቀናቃኝ የሆኑት አቶ ራይላ ኦዲንጋ ውጤቱን አልቀበልም ያሉ ሲሆን ምርጫ ቦርድ አጭበርብራል ሲሉ ተናግረዋል። የተቃዋሚው ውሳኔ የኬኒያን መረጋጋት በማራዘም ዛሬ ለስድስተኛ ቀን አብዛኛው የሀገሪቱ ክፍል ስራ ሳይጀምሩ በፍርሃት ዘግተው እንዲውሉ አድርጎዋቸዋል።

Share this post

Post Comment