በደቡብ ክልል ከ460 ሺህ ሄክታር በላይ መሬት በኩታ ገጠም ሰብሎች እየለማ ነው

በደቡብ ክልል ከ460 ሺህ ሄክታር በላይ መሬት በኩታ ገጠም ሰብሎች እየለማ ነው

አዲስ አበባ ፣ ጥቅምት 8 ፣ 2013 (ኤፍ ቢ ሲ) በደቡብ ክልል ከ460 ሺህ ሄክታር በላይ መሬት በኩታ ገጠም ሰብሎች እየለማ መሆኑ ተገለፀ፡፡
የደቡብ ክልል ምክትል ርዕሰ መስተዳድር አቶ ርስቱ ይርዳው በካፋ ዞን አዲዮ ወረዳ እየለማ ያለውን የስንዴ ማሳ ጎብኝተዋል፡፡
በዚህ እንደገለጹት በክልሉ በተያዘው የምርት ዘመን ከ460 ሺህ ሄክታር በላይ መሬት በኩታ ገጠም ሰብሎች እየለማ ነው፡፡
እንደ ምክትል ርዕሰ መስተዳድሩ ገለጻ በክልሉ በኩታ ገጠም ሰብሎች እየለማ ካለው መሬት ውስጥ ከ160 ሺህ ሄክታር በላይ መሬት በስንዴ ሰብል የተሸፈነ ሲሆን 143 ሺህ ሄክታሩ ደግሞ በጤፍ፣ በባቄላ፣ በሆርቲካልቸር እና መሰል ሰብሎች በዘር መሸፈኑን አስረድተዋል፡፡
በክልሉ በመኸር እርሻ ከ1 ነጥብ 1 ሚሊየን ሄክታር በላይ መሬት ታርሶ በዘር ተሸፍኗል፡፡
ይህም ካለፈው አመት አፈጻጸም አንጻር በ95 ሺህ ሄክታር መሬት ብልጫ ማሳየቱን ምክትል ርዕሰ መስተዳድሩ መናገራቸውን ከክልሉ መንግስት ኮሙዩኒኬሽን ያገኘነው መረጃ ያመላክታል፡፡

The post በደቡብ ክልል ከ460 ሺህ ሄክታር በላይ መሬት በኩታ ገጠም ሰብሎች እየለማ ነው appeared first on Welcome to Fana Broadcasting Corporate S.C.

Source: Link to the Post

Leave a Reply