ባለፈው ሳምንት በአውሮፕላን አደጋ ህይወታቸው ላጡ ዜጎች በቅድስት ስላሴ ሽኝት ተካሄደ

Source: https://fanabc.com/2019/03/%E1%89%A3%E1%88%88%E1%8D%88%E1%8B%8D-%E1%88%B3%E1%88%9D%E1%8A%95%E1%89%B5-%E1%89%A0%E1%8A%A0%E1%8B%8D%E1%88%AE%E1%8D%95%E1%88%8B%E1%8A%95-%E1%8A%A0%E1%8B%B0%E1%8C%8B-%E1%88%85%E1%8B%AD%E1%8B%88/

አዲስ አበባ፣ መጋቢት 8፣ 2011 (ኤፍ.ቢ.ሲ) ባለፈው ሳምንት በቦይንግ 737 ማክስ 8 የአውሮፕላን አደጋ ህይወታቸው ላጡ ዜጎች በቅድስት ስላሴ ሽኝት ተካሄደ።

ማለዳ ላይ በቦሌ አለም አቀፍ አውሮፕላን ማረፊያም ቤተሰቦቻቸውና ከፍተኛ የመንግስት ባለስልጣናት የሃይማኖት አባቶች በተገኙበት የሽኝት ስነስርዓት ተካሂዷል።

በሽኝት ስነስርዓቱ ላይም የአየር መንገዱ የቦርድ ሰብሳቢ አቶ አባ ዱላ ገመዳ፣ ምክትል ሊቀመንበር ዶክተር አርከበ እቁባይ የገንዘብ ሚኒስትርሩ አህመድ ሽዴ እና ሌሎች ከፍተኛ የመንግሥት የሥራ ኋላፊዎች ተገኝተው የአበባ ጉንጉን አስቀምጠዋል።

ከትናንት በስተያም የኢትዮጵያ አየር መንገድ ሰራተኞች እና የኪነ ጥበብ ባለሙያዎች በአደጋ ሕይወታቸውን ላጡ የበረራ ሰራተኞችና መንገደኞች በአየርመንገዱ ቅጥር ግቢ የመታሰቢያ ዝግጅት አድርገዋል።

ባለፈው ሳምንት ንብረትነቱ የኢትዮጵያ አየር መንገድ የሆነ ቦይንግ 737-8 ማክስ አውሮፕላን ላይ በደረሰ የመከስከስ አደጋ የ157 ሰዎች ህይወት ማለፉን ተከትሎ በርካታ ሀገራት አውሮፕላኑን ማገዳቸው ሰሞኑን ተሰምቷል።

በዚሁ አደጋ የ18 ኢትዮጵያንን ህይወት ጨምሮ የ35 ሀገራት ዜጎች ህይወታቸውን አጥተዋል።

Share this post

Post Comment

This site uses Akismet to reduce spam. Learn how your comment data is processed.