ባለ 52ሜ ቁመት ያለው መስቀል በመቀሌ ተመረቀ-ውዝግብም ፈጥራል

Source: http://amharic.abbaymedia.com/archives/36282

አባይ ሚዲያ
በወንድወሰን ተክሉ

በመቀሌ የተገነባውና በርዝመቱና ግዝፈቱ በምስራቅ አፍሪካ [አንዳንዶች ከአፍሪካ እያሉ ነው]አንደኛ የተባለው የመስቀል ሀውልት በኢትዮጵያ ኦርቶዶክስ ፓትሪያርክ አቡነ ማቲያስ መመረቁ ተገለጸ።

የመስቀሉ ርዝመት 52ሜ/ር እንደሆነ የተነገረ ሲሆን ከሁለት ቀን በሃላ ለሚከበረው ዓመታዊው የመስቀል በዓል ተብሎ ከወዲሁ በፓትሪያርኩ ሊመረቅ እንደቻለ ለማወቅ ተችላል።

በጉዳዩ ላይ አስተያየታቸውን እንዲሰጡን ካነጋገርናቸው ሰዎች ያገኘነው መልስ አብዛኛዎቹ ኢትዮጵያዊያን በመስቀሉ መገንባት የተሰማቸውን ደስታና ኩራት ገልጸው ከትርጋሜው ጋር በሚመጥን መልኩ ባለመሰራቱ ግን የተሰማቸውን ቅሬታና ሀዘን ሳይሸሽጉ ገልጸዋል።

እንደ አስተያየት ሰጪዎቹ አባባል መስቀሉ በትግራይ ሆነ በአዳማ-በአዲስ አበባም ሆነ በላስታ ላሊበላ በኢትዮጵያ ምድር እና የመስቀልን ሃያልነት እንዲያንጸባርቅ ተብሎ በመቀሌ መተከሉ ምንም ሌላ ትርጋሜ እንደማይሰጠው ገልጸው መስቀሉን ካቆመው መንግስታዊው ሃይልና የእውነተኛው መስቀል መንፈሳዊ ትምህርት፣መንፈሳዊ ሃይልና ትርጋሜ ተዛማጅ ባለመሆኑ ከሀውልቱ ምሉእነትን እንድናጣ አድርጎናል ባይ ናቸው።

መስቀል በክርስትና እምነት ተከታዮች ዘንድ ታላቅ ስፍራ የሚሰጠው መንፈሳዊ ምልክትና የጌታችን መድሃኒታችን ኢየሱስ ክርስቶስ ታላቅ መለኮታዊ ጸጋ የተገለጸበት ቅዱስ ምልክት ሲሆን ትርጋሜውም ሃይልን፣መድሃኒትነትን እና ክርስቲያናዊ አንድነትንና ጽናትን መንፈስ በመያዝ በህዝብ ምእምኑ እና በመለኮታዊ ዶግማ ውስጥ ስፍራ ተስጥቶት ያለ መንፈሳዊ ምልክት እንደሆነ ይታወቃል።

የጌታችን እና መድሃኒታችን ኢየሱስ ክርስቶስ መለኮታዊ ሃይል መገለጫ የሆነው መስቀል በወንጌል ላይ እንደተገለጸው ክርስቲያናዊ ፍቅር፣እርሰበርስ መወዳድ፣ምህረትና በወንጌሉ ቃል መገዛትን የሚያስገነዝብ ቅዱስ ምልክት ሆኖ ሳለ የህወሃት መራሹ መንግስት ከዚህ አስተምህሮ በተጻረረና በተቃረነ መልኩ በህዝቦች ዘንድ ክፍፍልን፣ዘረኝነትን፣ኢፍትሃዊነትን መሰረት ባደረገ አገዛዙ ሀገሪታን እና ህዝባን በአደጋ ላይ የጣለ ስርዓት ሆኖ ሳለ ዛሬ ይህንን መስቀል መትከሉ ከሀይማኖታዊና መንፈሳዊ እይታ አካያ ከፍተኛ የሆነ የንቀትና የስላቅ እርምጃ እንዳደረገ ነው የምናየው ሲሉም ገልጸውልናል።

መስቀል በሰው ልጅ ታሪክ ውስጥ ማንም አድርጎትና ሞክሮት የማያውቀውን ፍቅርን መሰረት ያደረገ መስዋእትነት የተፈጸመበት ቅዱስ ምልክት ነው ያሉን አንድ አባት የአምላክ ልጅ ሆኖ [ጌታችን ኢየሱስ ክርስቶስን ማለታቸው ነው]ሆኖ እና ድምጥማጣቸውን ማጥፋት እየቻለ ግን ለሰው ልጅ ባለው ሃያል ፍቅር ምክንያት በሚስማር ሲቸነክሩት በዝምታ ተቀብሎ የተሰዋበት ቅዱስና መድሃኒት ምልክት የሆነን ጸረ-ፍቅር፣ጸረ-አንድነት፡ጸረ እኩልነት እርምጃዎችን እያስፋፋና ወንድሙን በግፍ እየገደለ ባለው የህወሃት መንግስት መተከሉ የመስቀሉን ተፈጥሮዓዊና መለኮታዊውን ሃይልና ትርጋሜ ያሳጣዋል በማለት ስርዓቱ በህዝቦች መካከል መገንባት ስላለበት መተሳሰብ፣መከባበርና መፈቃቀር ላይ በርትቶ እንዲሰራ ሃሳብ ሰንዝረዋል።

ሌሎች ደግሞ የመስቀልን መንፈሳዊ ትርጋሜና መለኮታዊ ሃይል ያልተረዱ እንዲሁ በደፈናውና በትልቅነቱ በማድነቅ የገለጹ ሲሆን የአብዛኞቹ መልስ ትግራይ እንደ ክርስቲያናዊና ጥንታዊ ክፍለ ሀገርነት መስቀሉን መትከል መቻላ ላይ ይስማሙና በተካዩ መንግስታዊ ሃይል ማንነት ላይ ግን ከመስቀሉ መንፈስና አስተምህሮት ጋር ተቃራኒ በሆነው በዚህ አስተዳደር መፈጸሙ እንዳረከሱት እንቆጥራለን ሲሉ ገልጸውታል።

Share this post

One thought on “ባለ 52ሜ ቁመት ያለው መስቀል በመቀሌ ተመረቀ-ውዝግብም ፈጥራል

Post Comment