አምስት የቤኒሻንጉል ጉሙዝ ከፍተኛ እና መካከለኛ አመራሮች በቁጥጥር ስር ዋሉ

Source: https://mereja.com/amharic/v2/72337

አምስት የቤኒሻንጉል ጉሙዝ ከፍተኛ እና መካከለኛ አመራሮች በቁጥጥር ስር ዋሉ

በቤኒሻንጉል ጉሙዝ እና በኦሮሚያ ክልል አጎራባች አካባቢዎች ላይ ተፈጥሮ በነበረው ግጭት ተጠርጣሪ ናቸው ያላቸውን አምስት የክልሉ ከፍተኛ እና መካከለኛ አመራሮች በቁጥጥር ስር ማዋሉን የፌደራል ፖሊስ አስታወቀ።
የፌደራል ፖሊስ ግብረ ሀይል በዛሬው ዕለት ባካሄደው ተጠርጣሪዎችን የመያዝ ኦፕሬሽን ነው ተጠርጣሪዎቹ ቁጥጥር ስር የዋሉት።
ቁጥጥር ስር ከዋሉት ውስጥ የክልሉ አስተዳደርና ፀጥታ ጉዳዮች ምክትል ሃላፊና የቀድሞ አሶሳ ከተማ አስተዳደር ከንቲባ እንደሚገኙበት ግብረ ሀይሉ አስታውቋል።
እነዚህ ተጠርጣሪዎች በሰኔ 17ቱ የአሶሳ ከተማ ግጭት እንዲሁም በኦሮሚያና ቤኒሻንጉል ጉሙዝ ክልል አጎራባች አከባቢዎች ላይ ተፈጥሮ በነበረው ግጭት የችግሩ ጠንሳሾች ሆነው የተጠረጠሩ ናቸው ብሏል ፌደራል ፖሊስ።
ተጨማሪ ተጠርጣሪዎችን በቁጥጥር ስር የማዋል ሂደቱ ተጠናክሮ እንደሚቀጥልም ግብረ ሀይሉ አስታውቋል።
 

Share this post

Post Comment

This site uses Akismet to reduce spam. Learn how your comment data is processed.