አድራሻቸው የማይታወቁና የብቃት ማረጋገጫ የሌላቸው የህፃናት ምግቦች ፡ የምግብ ዘይቶችና የተለያዩ ምርቶች ታገዱ

Source: https://mereja.com/amharic/v2/124346

አድራሻቸው የማይታወቁና የብቃት ማረጋገጫ የሌላቸው የህፃናት ምግቦች ፡ የምግብ ዘይቶችና የተለያዩ ምርቶች ታገዱ ።
የኢትዮጲያ የምግብና መድኃኒት ቁጥጥር ባለስልጣን የአምራች ድርጅቶቻቸው አድራሻና ምንጫቸው የማይታወቁ እንዲሁም የብቃት ማረጋገጫ ያሌላቸውን የምግብ ምርቶች ገበያ ላይ እየዋለ መሆኑን በተደረገው የገበያ ቅኝት መገኘቱን አስታወቀ፡፡
ባለስልጣን መ/ቤቱ በአዲስ አበባ ከተማ በተለያዩ ድርጅቶች ተመርተው ወደ ገበያ በተሰራጩ ምርቶች ላይ በተደረገ የገበያ ቅኝት በብሔራዊ ደረጃ የተቀመጠውን መስፈርት ያላሟሉ፤ ምንም ዓይነት ገላጭ ጽሁፍ የሌላቸው፤ የአምራች አድራሻ እና መለያ ቁጥር የሌላቸው የህጻናት ምግብ፣ የለዉዝ ቅቤ፣ የምግብ ዘይት፣ የምግብ ጨውና ማር ገበያ ላይ መገኘታቸው በተደረገው የቁጥጥር ስራ የተገኘ ሲሆን ባለስልጣኑ አስተዳደራዊ እርምጃ ወደሰ፡፡

በመሆኑም ህብረተሰቡ ከታች ስማቸው የተገለጹትን የህጻናት ምግብ፣ የለዉዝ ቅቤ፣ የምግብ ዘይትና የምግብ ጨውና ማር ምርቶችን እንዳይጠቀማቸው እያሳሰበ ተመሳሳይ ምርቶች በሌሎች አካባቢ የመገበያያ ስፍራዎች ሊኖር ስለሚችል ህብረተሰቡ በአቅራቢያው ለሚገኝ የጤና ተቆጣጣሪ፤ ለፖሊስ አካላት ወይም በፌደራል ደረጃ ለባለስልጣን መስሪያ ቤቱ በነጻ ስልክ መስመር 8482 በመጠቆም እንዲያሳውቅ ጠይቋል፡፡

በማያያዝም የክልል ተቆጣጣሪዎችና በየደረጃው የሚገኙ የቁጥጥር አካላት ምርቶቹን ከገበያ ላይ በአፋጣኝ የመሰብሰብ ስራውን እንዲሰሩ ባለስልጣን መስሪያቤቱ ጥሪውን አቅርቧል፡፡
የህጻናት ምግብ
1. ፍቅር ምጥን
2. ማስ የህጻናት ምግብ
3. ተወዳጅ ሀይል ሰጪና ገንቢ የህፃናት ምግብ
4. ስሚ የህፃናት ምጥን ገንፎ
5. ፋሚሊ ሀይል ሰጪና ገንቢ የህፃናት ምግብ
6. አባድር
7. ሂሩት ህፃናት ሂሩት ባልትና
8. አዩ ለልጆች የተዘጋጀ ምጥን ምግብ
9. ምቹ 100% ተፈጥሯዊ

Share this post

Post Comment

This site uses Akismet to reduce spam. Learn how your comment data is processed.