አፈ ጉባኤ ታገሰ ጫፎ በዴቪድ ፕራይስ ከተመራው የአሜሪካ ልዑካን ጋር ተወያዩ

Source: https://fanabc.com/2019/10/%E1%8A%A0%E1%8D%88-%E1%8C%89%E1%89%A3%E1%8A%A4-%E1%89%B3%E1%8C%88%E1%88%B0-%E1%8C%AB%E1%8D%8E-%E1%89%A0%E1%8B%B4%E1%89%AA%E1%8B%B5-%E1%8D%95%E1%88%AB%E1%8B%AD%E1%88%B5-%E1%8A%A8%E1%89%B0%E1%88%98/

አዲስ አበባ፣ መስከረም 29፣ 2012 (ኤፍ.ቢ.ሲ) የህዝብ ተወካዮች ምክር ቤት አፈ ጉባኤ አቶ ታገሰ ጫፎ በኮንግረስ ማን ዴቪድ ፕራይስ የተመራውን የአሜሪካ ልዑካን ቡድን በጽህፈት ቤታቸው ተቀብለው አነጋግረዋል።

በቆይታቸውም ለልዑካን ቡድኑ በተከናወኑ ቁልፍ የለውጥ ስራዎችን አስመልክቶ ገለጻ መደረጉን የምክር ቤቱ ጽህፈት ቤት አስታውቋል።

በዚሁ ወቅት አፈ ጉባኤ አቶ ታገሰ ጫፎ፥ መጭው ሃገራዊ ምርጫ ነጻ፣ ፍትሃዊና ዴሞክራሴያዊ ሆኖ እንዲጠናቀቅ መንግስት ዘርፈ ብዙ የሆኑ ስራዎችን ማከናዎኑን አብራርተዋል።

ለዚህም የኢትዮጵያ ብሄራዊ ምርጫ ቦርድ በአዲስ መልክ መቋቋሙን እንደማሳያ ጠቅሰዋል።

የተጀመረውን ለውጥ በአግባቡ ለማስተዳደር መንግስት ከፍተኛ የሆነ ህዝባዊ ተሳትፎን ማዕከል ያደረገ እንቅስቃሴ ላይ እንደሚገኝ ነው የተከበሩ አቶ ታገሰ ለልዑካ ቡድኑ የተናገሩት።

ምክር ቤቱ የህዝቡን ሁለንተናዊ ተሳትፎና ጥያቄዎች ለማስተናገድና ለመፍታት በምክር ቤቱ በርካታ የለውጥ ስራዎች መከናወናቸውን ገልጸዋል።

ቁልፍ ህዝባዊ የሆኑ ችግሮችን ለመፍታት ምክር ቤቱ በዚህ አመትም ልዩ ትኩረት ሰጥቶ የክትትልና ቁጥጥር ስራዉን እንደሚያጠናክር አቶ ታገሰ አክለዋል።

የክትትልና ቁጥጥር ስራው ግቡን ይመታ ዘንድ ምክር ቤቱ የአባላቱን አቅም መገንባቱንም አፈ ጉባኤው ተናግረዋል።

ምክር ቤቱ ባለፈው በጀት ዓመት ለውጡን ከዳር ለማድረስ አጋዥ የሆኑ የህግ ማሻሻያዎችን ማድረጉንም አቶ ታገሰ ጠቅሰዋል፡፡

ሃገራዊ ለውጡን በዘላቂነት ለማስቀጠል የአሜሪካ ኤምባሲ ጉልህ ሚና እየተጫወተ ሲሆን ኤምባሲው እያደረገው ላለው ጥረት አ- ጉባኤው አመስግነዋል፡፡

የልዑካን ቡድኑ በተደረገለት ገለጻ ላይ ተመስርቶ ሀገሪቷ የጀመረችውን የለውጥ እንቅስቃሴ ለማስቀጠል አሜሪካ ድጋፏን አጠናክራ እንደምትቀጥል የልዑካን ቡድኑ መሪ ዴቪድ ፕራይስ ገልጸዋል።

በኢትዮጵያ የሚካሄደው ሀገራዊ ምርጫ ነጻ፣ ፍትሃዊና ዴሞክራሲያዊ ሆኖ እንዲጠናቀቅ የበኩላችን አስተዋጽኦ እናደርጋለን ሲሉም የልዑካን ቡድን መሪው ተናግረዋል።

 

Share this post

Post Comment

This site uses Akismet to reduce spam. Learn how your comment data is processed.