ኢትዮጵያ በአንድ ቀን ችግኝ የመትከል አለምአቀፍ ክብረወሰን ሰበረች

Source: https://mereja.com/amharic/v2/133735

ኢትዮጵያ በአንድ ቀን ችግኝ የመትከል አለምአቀፍ ክብረወሰን ሰበረች
በአለም አቀፍ ደረጃ በህንድ ተይዞ የነበረው 66 ሚሊዮን ችግኞችን በአንድ ጀምበር የመትከል ክብረ ወሰን ዛሬ ኢትዮጵያ ከ234ሚሊዮን በላይ ችግኞችን በመትከል ተይዞ የነበረውን ክብረ ወሰን በሰፊ ቁጥር መስበሯ ይፋ ሆኗል።
ቢቢሲ በድረገጹ እንዳስነበበው በጠቅላይ ሚኒስትር ዐብይ አህመድ ሀሳብ አመንጪነት የተጀመረው የአረንጓዴ አሻራ በአገር አቀፍ ደረጃ በርሃማነትን ለመቀነስ ያለመ አካሄድ መሆኑን ገልጾ፤ 1 መቶ ሚሊዮን ህዝብ በነፍስ ወከፍ ቢያንሰ ሁለት ይተክላል በሚል የታሳቢ ቢሆንም ሁሉም የመንግስት መስሪያ ቤቶች ስራቸውን እዚያው በማድረግ እየተከሉ መሆናቸውን ጠቅሷል።
ለዚህም በተባበሩት መንግስታት አየር ንብረት ትንቢያ በሚሊኒየም መባቻ የአገሪቷ አየር ንብረት 35 በመቶ ማሽቆልቆሉን ገልጾ፤ በተወሰነ ደረጃም ቢሆን ከ4 በመቶ በላይ ማገገም ያሳየ እንደሆነ በመረጃው ተጠቅሷል።
ጠቅላይ ሚኒስትር ዶክተር አብይ በዛሬው ዕለት በአገሪቱ ከ1ሺ በላይ ጣቢያዎችን በማስጀመር የችግኝ ተከላው ከጠዋቱ 12 ሰዓት መጀመሩና በአንድ ማዕከል የቆጠራ ሂደት መደረጉ ለዕቅዱ መሳካት የራሱ የጎላ ድረሻ እንዳለውም በመረጃው ሰፍሯል።
ይህ በሳይንሰና ኢኖቬሽ ቴክኖሎጂ ሚኒስትር አስተባባሪነት የሚከናወነው ቆጠራውን ይፋ የማድረግ አሰራር የአገር ውስጥ መገናኛ ብዙሃንም በትብብር መንፈስ መስራት በመቻላቸው አስፈላጊ ምስሎችና ቪዲዮዎች እንዳያመልጡ መደረጋቸውን ለህዝቡ መነሳሳትን እንደፈጠረም ተገልጿል።
በጠቅላይ ሚኒስትሩ የተጀመረው የአረንጓዴ አሻራ ቀን በአገሪቷ በሰሞኑ አንዳንድ አካባቢ ተከስቶ የነበረውን ችግር በማስረሳት ወደ አንድ እንዲመጣ ከማረጉም በላይ አሁን እየታየ ያለውን አላስፈላጊ ግጭትና ጥላቻን የማስቀረት ትልቅ አቅም እንደሚፈጥር ታምኖበታል ሲል ነው ቢቢሲ የዘገበው።

Share this post

Post Comment

This site uses Akismet to reduce spam. Learn how your comment data is processed.