የተማሪዎችን ውጤት በማህበራዊ ሚዲያ ባገኙት የተከታይ ብዛት የሚለካው መምህር

Source: https://fanabc.com/2019/03/%E1%8B%A8%E1%89%B0%E1%88%9B%E1%88%AA%E1%8B%8E%E1%89%BD%E1%8A%95-%E1%8B%8D%E1%8C%A4%E1%89%B5-%E1%89%A0%E1%88%9B%E1%88%85%E1%89%A0%E1%88%AB%E1%8B%8A-%E1%88%9A%E1%8B%B2%E1%8B%AB-%E1%89%A3%E1%8C%88/

አዲስ አበባ፣ መጋቢት10፣ 2011(ኤፍ.ቢ.ሲ) ተማሪዎችን በማህበራዊ ሚዲያ ባገኙት ተከታይ ብዛት ለመለካት የቻይና ዩኒቨርሲቲ መምህር ለተማሪዎች የሰጡት የቤት ስራ ድጋፍና ትችትን እያሰተናገደ ነው፡፡

በቻይና ሀናን ዩንቨርሲቲ የምጣኔ ሀብትና ህግ ትምህርት ክፍል መምህር የሆኑት ፕሮፌሰር የአዲሱ ሚዲያ ማሙያ ኮርስ ለተማሪዎቻቸው የሰጡት የቤት ስራ አወዛጋቢ መሆኑ ተነግሯል

ተማሪዎቻቸው በዚህ ትምህርት ኤ+ ለማግኘት ዊ ቻት በተባለው ታዋቂ የቻይና ማህበራዊ ሚዲያ 1ሺህ 667 ተከታዮችን ማፍራት እንዳለባቸው ተጠይቀዋል ተብሏል፡፡

በዚህ ፈተና ከመቶው 60 ለማስመዝገብ 1 ሺህ 667 አዲስ ደንበኞች እንዲያፈሩ ግዳጅ የተጣለባቸው ተማሪዎቹ ተቃውሟቸውን ገልጸዋል፡፡

አንዳንድ ተማሪዎች ምዘናው አስቸጋሪና ለትክክለኛ የትምህርት ህይወት የማያዘጋጅ ሲሆን÷ በትምህርት ክፍሉ በኩል ማስተካካያ እንዲደረግ ጠይቀዋል ተብሏል፡፡

ሌሎቹ ደግሞ መምህሩ ሌሎች አማራጮችን መስጠት እንዳለባቸው መጠየቃቸው ነው የተነገረው፡፡

የሟሟያ ኮርሱ ማጠቃለያ ፈተና የ30 በመቶ ድረሻ ብቻ እንዳለው የተገለጸ ሲሆን÷ ለዚሁ ተግባር ሁለት ሳምንት ብቻ መሰጠቱም መነጋገሪያ አድርጎታል ነው የተበላው፡፡

ፕሮፌሰሩ በበኩላቸው ጥያቄው ለተማሪዎቹ መማሪያ ከተዘጋጀው ሞጁል መውጣቱን በመግለጽ÷ ተማሪዎቹ በስራ ህይወታቸው መሰል ልምድ እንደሚያስፈልጋቸውና ፈተናው እንደሚያዘጋጃቸው ተናግረዋል፡፡

ጉዳዩ የትችትና ድጋፍ አስታያየቶችን እያስተናገደ በሀገሪቱ ማህበራዊ መዲያዎች በፍጥነት እየተዘዋዎረ እንደሚገኝም ዘገባው ያስረዳል፡፡

ምንጭ፡- odditycentral.com

Share this post

Post Comment

This site uses Akismet to reduce spam. Learn how your comment data is processed.