የኢትዮጵያ ዳያስፖራ ኤጀንሲ ከባለድርሻ አካላት ጋር ተወያየ

Source: https://fanabc.com/2019/11/%E1%8B%A8%E1%8A%A2%E1%89%B5%E1%8B%AE%E1%8C%B5%E1%8B%AB-%E1%8B%B3%E1%8B%AB%E1%88%B5%E1%8D%96%E1%88%AB-%E1%8A%A4%E1%8C%80%E1%8A%95%E1%88%B2-%E1%8A%A8%E1%89%A3%E1%88%88%E1%8B%B5%E1%88%AD%E1%88%BB/

አዲስ አበባ፣ ህዳር 8፣ 2012 (ኤፍ.ቢ.ሲ) የኢትዮጵያ ዳያስፖራ ኤጀንሲ ከፌዴራልና ከክልል ከተውጣጡ ባለድርሻ አካላት ጋር ውይይት አካሂዷል።

የኢትዮጵያ ዳያስፖራ ኤጀንሲ ዋና ዳይሬክተር ወይዘሮ ሰላማዊት ዳዊት መድረኩን በመክፈት እስካሁን በተሰሩ ስራዎች እና ቀጣይ እቅዶች ላይ ማብራሪያ ሰጥተዋል።

በመድረኩም የዳያስፖራ መረጃዎች በዘመናዊና በተደራጀ መልኩ የመያዝ አስፈላጊትና በሀገር አቀፍ ደረጃ ከዳያስፖራ መረጃ ጋር የተያያዙ መሰረታዊ ክፍተቶችን ቀርበዋል።

እንዲሁም የኤጀንሲው የክልል ዳያስፖራ ማስተባበሪያ ጽህፈት ቤቶች የዳያስፖራ ማህበራት የበጀት አመቱ የመጀመሪያ ሩብ አመት የስራ አፈፃፀም ሪፖርቶችን ቀርበዋል።

በዚህም ወቅት በኤጀንሲውም ሆነ በባለድርሻ አካላት የተከናወኑ ዋና ዋና ተግባራትና ያጋጠሙ ችግሮች በስፋት ተዳሰዋል።

የመድረኩ ተሳታፊዎችም በዘመናዊ መልኩ ሊደራጁ ስለታሰቡት መረጃዎች አይነትና ቅድሚያ ስለተሰጣቸው የመረጃ አይነቶች፣ የዳያስፖራ ኢንቨስትመንት አፈጻጸም ላይ የሚገጥሙ ማነቆዎችን ከሚመለከታቸው አካላት ጋር በቅንጅት ለመፍታት ኤጀንሲው ስለሄደበት ርቀት ዙሪያ ጥያቄ አቅርበዋል።

እንዲሁም በክልል ማስተባበሪያ ጽህፈት ቤቶች መካከል የሚታየው የአደረጃጀት ልዩነትና የአቅም ውስንነት ስለሚሻሻልበት ሁኔታ እንዲሁም በሀገር ውስጥ የሚገኙ የዳያስፖራ ማህበራት አደረጃጀቶች ጠንካራ የሚሆንበት ሁኔታን በተመለከተ ጥያቄና አስተያየቶችን ያቀረቡ ሲሆን፥ የኤጀንሲው አመራሮችም ለቀረቡት ጥያቄዎች ምላሾችንና ማብራሪያዎችን ሰጥተዋል።

በመጨረሻም  መድረኩ ከተጠናቀቀ በኋላ ተሳታፊዎች ወደ ታላቁ ቤተ መንግስት በማምራት የአንድነት ፓርክን መጎብኘቻን ከውጭ ጉዳይ ሚኒስቴር ቃል አቀባይ ጽህፈት ቤት ያገኘነው መረጃ ያመለክታል።

Share this post

Post Comment

This site uses Akismet to reduce spam. Learn how your comment data is processed.