የውጭ ጉዳይ ሚንስትርሩ የደቡብ ሱዳን አቻቸውን አነጋገሩ

Source: https://fanabc.com/2019/09/%E1%8B%A8%E1%8B%8D%E1%8C%AD-%E1%8C%89%E1%8B%B3%E1%8B%AD-%E1%88%9A%E1%8A%95%E1%88%B5%E1%89%B5%E1%88%AD%E1%88%A9-%E1%8B%A8%E1%8B%B0%E1%89%A1%E1%89%A5-%E1%88%B1%E1%8B%B3%E1%8A%95-%E1%8A%A0%E1%89%BB/

አዲስ አበባ፣ መስከረም 4፣ 2011(ኤፍ.ቢ.ሲ) የኢፌዴሪ የውጭ ጉዳይ ሚንስትር አቶ ገዱ አንዳርጋቸው የደቡብ ሱዳን አቻቸውን አዉት ዴንግ አኩዊልን ትናንት ማምሻውን ተቀብለው አነጋገሩ።

በውይይታቸው  አቶ ገዱ በደቡብ ሱዳን ጁባ በቅርቡ በፕሬዚዳንት ሳልቫ ኪር እና በዶክተር ሪክ ማቻር መካከል ውይይት መካሄዱ ለደቡብ ሱዳን ብሎም ለአካባቢው ሠላም ያለው ፋይዳ እጅግ የላቀ መሆኑን ገልጸዋል።

የሁለቱ መሪዎች ፊት ለፊት ተገናኝቶ መወያየትም በሀገሪቱ ዘላቂ ሰላም ለማስፈን በተቀናቃኝ ወገኖች የተቀመጠውን የሰላም ፍኖተ ካርታ ለመተግበር ወሣኝ ምዕራፍ መሆኑን አስታውቀዋል።

የደቡብ ሱዳን የውጭ ጉዳይ ሚንስትር አዉት ዴንግ አኩዊል በበኩላቸው በደቡብ ሱዳን እየታየ ያለው ፈጣን የፖለቲካ ለውጥ በአፍሪካ ቀንድ እየነፈሰ ካለው የተስፋና የሰላም አየር ጋር አብሮ የሚሄድ መሆኑን አንስተው፥ በለውጡ የደቡብ ሱዳን ህዝብ እጅግ ደስተኛ መሆኑን ገልፀዋል።

የሁለቱ መሪዎች ውይይትም በደቡብ ሱዳን የደህንነትና የፖለቲካ ሁኔታዎች ዙሪያ ለመመካከር መልካም አጋጣሚን መፍጠሩን ነው ያመለከቱት።

ለቀጣዩ ሂደትም ጎረቤት ሃገሮችና ኢጋድ የድጋፍ ሚናቸውን አጠናክረው እንዲቀጥሉ ጥሪያቸውን ማቅረባቸውን የውጭ ጉዳይ ሚኒስቴር ቃል አቀባይ ፅህፈት ቤት አስታውቋል።

Share this post

Post Comment

This site uses Akismet to reduce spam. Learn how your comment data is processed.