ጀዋር መሃመድ በሀረማያ ከተማና አካባቢው የሚኖሩ የጉራጌና የሌሎች ማህበርሰብ አባት ገብያ በማቆም አድማ የማይሳተፉ ከሆን እርምጃ አንዲወሰድባቸው አዘዘ!

Source: http://welkait.com/?p=9170
Print Friendly, PDF & Email

ትላንት ክርስትያኑን በሜንጫ፣ ዛሬ ደግሞ ጉራጌን በ”ዘላለማዊ እርምጃ”፣ ነገስ ምን ሊባል ነው?!

(ይድነቃቸው ከበደ)

የዴሞክራሲ እና የሰብዓዊ መብት ተሟጋቾች እንዲሁም የነፃነትና የዴሞክራሲ ሃይሎች ይህን ነገር በቸልተኝነት ማለፍ የለባቸውም ብየ በጽኑ አምናለሁ። እንዲህ አይነቱ ነገር በአስቸኳይ ሊታረም ይገባል-የዚህ አይነቱ የክፋት መልእክት ውጤቱ ጥሩ አይደለምና። አቶ ጃዋር በአንድ ጎሣ/ብሔር ላይ ያነጣጠረ የእርስ በእርስ ግጭት እና መተላለቀ የሚያመጣ “ዘላለማዊ እርምጃ” (ጥሬ ትርጉሙ የዘር ጭፍጨፋ እንዲካሄድ ጥሪ ማስተላለፋ ነዉና) በየትኛውም መስፈርት በምንም ዓይነት ምክንያት ትክክል ሊሆን አይችልም!! ይልቁንም ለአምባገነኑ ሥርዓት መደላድል የሚፈጥርና የነፃነት ትግሉን የጎንዮሽ በማድረግ በአገራችን የእርስ በእርስ ጦርነት ማወጅ ካልሆነ በስተቀር። ትላንት አንድን ሃይማኖት ብቻ መሰረት ያደረገ (ሌሎችን ሃይማኖቶች ያሳነሰና እዉቅና የነሳ) ጥሪ ተላለፈ (በአቶ ጃዋር)፤ በዚህም ምክንያት በተነሳው ተቃውሞ ቀኑ ተስተካከለ፤ አሁን ደግሞ በጉራጌ ቋንቋ ተናጋሪዎቹ ላይ ያነጣጠረ ጥሪ ተላለፈ (በዚሁ ‘ሰዉ’)።

ጀዋር መሃመድ ኦሮሞ ላልሆኑት የሀረማ ከተማ አካባቢዋ ነዋሪዎች የሰጠው ማስተንቀቂያ

እንዲህ አይነቱ ነገር አልበዛም? ሃይ ባይ አላጣም?
ቢጫዉንም ቀዩንም መስመር አልዘለለም ? … ይሄ ነገር በቀላሉ የሚታለፍ አይደለም ባይ ነኝ። አቶ ጃዋር እና ተከታዮች በአስቸኳይ በዚህ ጉዳይ ላይ ማሰተካከያ ሊሰጡ ይገባል እላለሁ። እኔ በግሌ ሃይማኖትን፣ ቋንቋን፣ ጎሣን ወይም ብሔርን መሰረት ያደረገ የፖለቲካ ድጋፍ ወይም ተቃውሞ ከዚህም በፊት አላደረኩም አሁንም ወደፊትም አላደርግም !! አቶ ጃዋር እየረጨ ያለውን የጥላች መርዝ መቃወም የኦሮም ሕዝብ ተቃውሞ እንቅስቃሴ መቃወም ማለት አይደለም። አቶ ጃዋር ከዚህ ቀደም በክርሰትና እምነት ተከታዮች ላይ በድፍረተ ያስተላለፈው የሐይማኖት ጥላች (ክርስትያኑን በሜንጫ) መቼም የሚረሣ አይደለም። አሁን ደግሞ በግልፅ አንድን ጎሣ/ብሔር መሠረት አድርጎ እርምጃ ይወሰድባቸው በማላት ከመቼውም ጊዜ በላይ የዘር ጭፍጨፋ አዋጁን ሲያውጅ ለምን ? በማለት መጠየቅ እና ድርጊቱን መኮነን የኦሮሞ ህዝብ ለመብቱ የሚያደርገውን ትግል መቃወም እንደሆ አድርጋችሁ የጉዳዮን አሳሳቢነት ከንቱ ለማድረግ የምትጥሩ የድርጊቱ ተባባሪና አስተባባሪ ከመሆን የሚለያቹሁ ነገር አይኖርም።

በእንዲህ መልኩ የሚካሄድ የትኛውም አይነት ተቃውሞ ከጥቅሙ ይልቅ ጉዳቱ ያመዝናል። መደባዊ ፣ ጎሳዊ፣ ሀይማኖታዊ ልዩነት የተደረገባቸው የትኛው የፖለቲካ ሕዝባዊ ተቃውሞ አላማቸውን ከማሳከት ይልቅ የመጨናገፍ እድላቸው ሰፊ እንደሆነ የግል ምልከታ አለኝ (በታሪክም የእንዲህ አይነት ተቃዉሞዎችን ስኬት አላነበብኩም) ። የአገዛዙ ሥርዓት ሃያ ስድት አመት ሙሉ ዘረኝነትን በአገራችን በማንሰራፋት ፣የኢትዮጵያን አንድነት በማናጋት እርስ በእርስ በጥርጣሬ እና ባለመተማመን ሕብረት እና አንድነት እንዲጠፋ ሲሰራ መቆየቱ የሚታወቅ ነው። ይህን እውነት በሚገባ በመረዳት ኢትዮጵያዊያን ሃይማኖት እና ቋንቋ ሳይገድባቸው እልህ አስጨራሽ ትግል በማድረግ በአገራችን የሕዝቦች አንድነትን በማጠናከር ሁሉም በእኩልነትና በአንድነት የሚኖርባት ሃገርን ለማቆም ብዙዎች ሕይወታቸውን እየገበሩ፣ የተቀሩት አሰቃቂ የእስር ጊዜን እያሳለፉ በሚገኙበት ወቅት አቶ ጃዋር በጎንዮሽ የዘር ማጥፋት እና ጭፍጨፋ እንዲካሄድ ጥሪ ማድረጉ ከስህተትም በላይ ነው ። ስለዚህም ስህተቱን ተገንዝቦ ማስተካከያ ካልሰጠ በታሪክ ጥቁር መዝገብ ውስጥ ሰፍሮ ይኖራል ! እንዲህ አይነቱን ስህተት እንዲታረም ማድረግ የሕዝባዊና ሰላማዊ እምቢተኝነት ትግልን ማገዝ እንጂ ፈጽሞ ማደናቀፍ አይሆንም!

Share this post

One thought on “ጀዋር መሃመድ በሀረማያ ከተማና አካባቢው የሚኖሩ የጉራጌና የሌሎች ማህበርሰብ አባት ገብያ በማቆም አድማ የማይሳተፉ ከሆን እርምጃ አንዲወሰድባቸው አዘዘ!

  1. **ይህ ጽሑፍ የጃዋር መሐመድ የግሉ ነው ለማለት የአማርኛ አጠቃቀሙ ችግር አለበት። ሆኖም የጀዋሪያን ጽንፈኛ ቡድን የሚያቀነቅነው ኢትዮጲያን አፍርሰን በፍርስራሹ ላይ ኦሮሚያን እመሠርታለን የሚሉ ጠባቦች ሃሳብ ለመሆኑ አያጠራጥርም። የሆነስ ሆነና ‘ልዩ ጥቅማጥቅምን’ ወዶ የህወሓት ዓላማና ማኒፌስቶ አዳንቆ፡ ጎጠኝነትና ዘረኝነትን እየሰበኩ ያለውን ሥርዓት ማማረር ምን ማለት ነው? ይህ ክልላዊ አስተዳደር የእኔ የግሌ ሕዝቤ ቋንቋዬ ዙሪያውን ከአማራ፡ ኢትዮሱማሊ፡ አፋር፡ ጋምቤላ፡ጋሞጎፋ አሁን ደግሞ ከጉራጌ ማንቆርና ኦርሮሞን ተላካፊ እብድ አድርጎ ማቅረብ ለኦሮሞ ሕዝብ የምን ነጻነት ሊያጎናጽፉት ይሆን!?

    ** እንዲህ ዓይነቱ ጠባብነት ሥልጣን መከላከያና ድህንነቱን ቢይዙ ምን ሊያደርጉ ነው!? ይህ የተደጋገመ ዛቻና ዝግጅት በራሳቸው ‘ብሔራዊ ንቅናቄ” ቪዥን አንድነት ሰላማዊ ታጋይ የሚሉ የድሮ ግንጠላ አቀንቃኞች የአሁን እንጋጠም የውሃ ላይ ኩበት..የእንቧይ ካብ መሆናቸውን የሚያሳየው ይህንን የዘለዓልም እርምጃ (የጉራጌን ዘር ከኦሮሚያ ክልላዊ ግዛት ለመጨርሻ ግዜ ማጽዳት) ቀድመው አለመቃወማቸውና አለማስተባበላቸው “እኛ በምንኖረበት አካባቢ ማንም ደፍሮ አይናገርም! ቀና ብሎ የሚሄደውን አንገቱን በሜንጫ ነው የምንለው) የሚለውንም ውጥን ሓሳብ ተባባሪና ተጠቃሚ መሆናቸውን ያረጋግጣል።

    >› እንግዲህ ኢሳት ላይ እሳት የላሱ ተንታኝና በታኞች የተሳለቁብንን ያህል፡ ዛሬ የራሳችችን ሚዲያ ይዘን የፈለግነውን እንደነፋለን ቢሉ መዘዙ ከህወሓት/ኢህአዴግ ተግባርና ዓላማ ጋር አንድ በመሆኑ የዲያስፐር ተቃዋሚና የሕግ ምሁር ነኝ ባይነት፡ በጭለማ ተከልሎ ሚዲያ ላይ መትፋት፡ አህጉር አቋርጦ በሰው ሀገር ዜግነት ከለላ የድሃ ሀገር ሕዝብን ለአመፅና እርስ በእርስ እልቂት ማንሳሳት ከተጠያቂነት አያድንም ጭራሽም የአዋቂ አጥፊ ፍርዱ ይከፋበታል። ይህንን የፌስ ቡክ አካወንት አጣርታችሁ ለሕዝብ ማሳወቅ የሁሉም ግዴታ ነው። ኦሮሞ ይህንን ስበኩልኝ፡ በሌላው ደም ልክበር አላለም።አራት ነጥብ።

    Reply

Post Comment